დეტალური აღწერა:
გაბრიელ გარსია მარკესის თორმეტი მოთხრობა – თორმეტი შედევრი – ევროპაში მცხოვრებ ლათინოამერიკელებზე, მათ თავგადასავლებზე, შეუპოვრობაზე, მწუხარებასა და მელანქოლიაზე. ემიგრანტებს შემოაქვთ სიცოცხლის შეგრძნება სიურრეალისტურ მოვლენებში და ამას გარშემომყოფთაც გადასდებენ. ბარსელონაში მოხუცი ბრაზილიელი მეძავი არჩევს ადგილს თავისი სამუდამო განსასვენებლისთვის და წვრთნის ძაღლს, რომ დაიტიროს გარდაცვალების შემდეგ. კასტელ-განდოლფში რომის პაპთან შეხვედრას ცდილობს კაცი, რომელსაც ფიჭვის ჩემოდნით დააქვს ქალიშვილის გაუხრწნელი ცხედარი. ტოსკანაში ტურისტების ოჯახი ხვდება მოჩვენებას იმ სახლში, რომელშიც ვენესუელელი მწერალი ცხოვრობს. ჟენევაში სასწრაფო დახმარების მძღოლი და მისი მეუღლე უვლიან პატარა კარიბული ქვეყნის მომაკვდავ ექსპრეზიდენტს. კრებულში შესულ მოთხრობებზე გაბრიელ გარსია მარკესი თვრამეტი წლის განმავლობაში მუშაობდა.
ხელმისაწვდომია ფილიალებში: