დეტალური აღწერა:
იუჰან ავგუსტ სტრინდბერგს (1849-1912), შვედური ლიტერატურის ყველაზე მნიშვნელოვან წარმომადგენელს, საერთაშორისო აღიარება მოუტანა პირველმა რომანმა სახელწოდებით „წითელი ოთახი“. „წითელი ოთახი“, როგორც სტრინდბერგის მთელი ლიტერატურული მემკვიდრეობა, მნიშვნელოვნად ეყრდნობა ავტორის პირად გამოცდილებას. სტოკჰოლმში დღესაც არსებობს ის რესტორანი და წითლად შეფერილი ოთახიც, რომელშიც რომანის პერსონაჟები.სასაუბროდ იკრიბებოდნენ.
ნაწარმოების მთავარი გმირი, მწერლობასა და ჟურნალისტობაზე მეოცნებე ახალგაზრდა იდეალისტი არვიდ ფალკია, მას მუდმივად ტანჯავს შვედურ საზოგადოებაში ფესვგადგმული პირფერობა, ფარისევლობა და კორუფცია, რომელიც გამეფებულია ყველგან – პოლიტიკაში, ბიზნესში, თეატრსა თუ გამომცემლობაში. არვიდ ფალკის ერთადერთი თავშესაფარი სტოკჰოლმის.ცენტრში მდებარე რესტორნის წითლად შეფერილი ოთახია, სადაც თანამოაზრეებთან, შვედეთის ბოჰემური წრის წარმომადგენლებთან საუბრობს გაუსაძლის გარემოზე.