დეტალური აღწერა:
საბჭოთა წარსულის კვლევის ლაბორატორია
2014 წელს "საბჭოთა წარსულის კვლევის ლაბორატორიამ" გამოსცა საქართველოს დემოკრატიული რესპუბლიკის დამფუძნებელი კრების დეპუტატების ბიოგრაფიების სამახსოვრო კრებული. მსგავსი კრებულის გამოცემა 1918-1921 წელსაც იყო დაგეგმილი, მაგრამ მიზეზთა გამო ვერ მოხერხდა და საქართველოს რესპუბლიკის დამფუძნებლების სახელები და სახეები მრავალი ათწლეულის მანძილზე დარჩა უცნობი და ისტორიიდან განდევლინი. წინამდებარე კრებული, საქართველოს მოქალაქეთა და სხვადასხვა ორგანიზაციის შემოწირულობით გამოიცა და მისი იყო საქართველოს პირველი რესპუბლიკის დამფუძნებელი კრების წევრების შესახებ ინფორმაციის თავმოყრა და ფართო საზოგადოებისათვის გაზიარება. აღსანიშნავია რომ მათ დიდ ნაწილს საბჭოთა რეპრესიები შეეხო სხვადასხვა დროსა და მასშტაბით. ვფიქრობთ ჩვენი თაობის ვალია, სულ ცოტა ვიცნობდეთ და გვახსოვდეს ის ადამიანები, ვინც დამოუკიდებელი და დემოკრატიული საქართველოს ფუნდამენტს ჰქმნიდნენ.